У Гомельскай вобласці стартавала дабрачынная акцыя «Цуды на Раство»
Штогод саюз моладзі ўносіць свой уклад у скарбонку навагодняга дабрачыннага праекта «Нашы дзеці».
Мы імкнемся акружыць цяплом і клопатам маленькіх жыхароў нашай краіны — выхаванцаў дзіцячых дамоў, школ-інтэрнатаў, прыёмнікаў-размеркавальнікаў, прытулкаў для дзяцей-сірот, дзяцей-інвалідаў, якія асабліва маюць патрэбу ў гэтым у навагоднія і калядныя дні».
Таксама ў гэты перыяд не будуць абдзелены ўвагай шматдзетныя сем’і, дзеці, якія апынуліся ў цяжкай жыццёвай сітуацыі, выхаванцы дзіцячых дамоў сямейнага тыпу.
Гэта не проста віншаванні і цёплыя словы, а міні-праграмы з Дзедам Марозам і Снягуркай, карагодам ля ялінкі, яркімі эмоцыямі і падарункамі. Чакаецца, што падчас акцыі адрасную дапамогу атрымаюць больш за 300 дзяцей».
Цяпер у рамках «Цудаў на Каляды» праходзіць збор навагодніх падарункаў для дзяцей. У буйных гандлёвых цэнтрах і магазінах устаноўлены спецыяльныя елкі, якія замест цацак упрыгожаны пажаданнямі хлапчукоў і дзяўчынак.
Хто хоча падарыць маленькі цуд тым, хто асабліва мае ў гэтым патрэбу, можа здзейсніць нечыю мару за некалькі хвілін. «У абсалютнай большасці выпадкаў гэта самыя простыя рэчы: канцтавары, цацкі, якія развіваюць, настольныя гульні, спартыўны інвентар, наборы для творчасці, дзіцячыя, мастацкія, навукова-папулярныя кнігі і часопісы. Кожны можа падарыць часцінку цяпла тым, хто ў ім мае патрэбу.
Далучыцца да добрай справы можна праз раённыя камітэты БРСМ», — адзначыла Іна Канаплянік. Усяго ж сёлета валанцёры руху БРСМ «Добрае сэрца» і цімураўцы БРПА ў час добрасардэчнай акцыі правядуць больш як 50 дабрачынных мерапрыемстваў па ўсёй вобласці.
